AQSh ónerpazdary Aqtaýda óner kórsetti

AQTAÝ. QazAqparat - Aqtaýǵa AQSh áýe kúshteriniń ónerpazdary keldi. Olar qarttar úıine baryp, óner kórsetti, dep habarlaıdy QazAqparat tilshisi.

Ónerpazdar rok, pop, rok-n-roll janrynda án aıtyp, bı bıledi. Bul top, osy ýaqytqa deıin Almaty, Nur-Sultan, Oral oblystaryna baryp mádenı kesh uıymdastyrǵan. Endi, Atyraýǵa barmaq.

«Bizdiń top - AQSh áskerı kúshteriniń quramynan jasalǵan. Bizdiń maqsatymyz - amerıkalyq mádenıet pen mýzykalyq baǵyttardy sizderge usyný. Tek Aqtaý qalasynda emes, Qazaqstannyń basqa da qalalaryna baryp, qarym-qatynasty nyǵaıtqymyz keledi», - deıdi AQSh elshiliginiń mádenıet jáne bilim berý jónindegi attashe orynbasary Len Erıkson.