AQSh Oman shyǵanaǵynda Irannyń júk kemesin basyp aldy
ASTANA. KAZINFORM — Ekıpaj músheleri baǵynýdan bas tartqandyqtan, amerıkalyq áskerı keme olardy toqtatty, dep habarlaıdy TASS.
AQSh qarýly kúshteri Irannyń júk kemesin Oman shyǵanaǵynda teńiz blokadasyn buzýǵa árekettengeni úshin basyp aldy. Bul týraly AQSh prezıdenti Donald Tramp málimdedi.
— AQSh Áskerı-teńiz kúshteriniń USS Spruance raketalyq esmınetsi Oman shyǵanaǵynda Touska atty ırandyq kemeni ustap, toqtaý jóninde naqty eskertý jasady. Iran ekıpajy baǵynýdan bas tartty, sondyqtan bizdiń áskerı keme mashınalyq bólimge zaqym keltirip, olardy toqtatty, — dedi keltirdi BAQ Tramptyń sózin.
Prezıdenttiń aıtýynsha, qazir AQSh teńiz jaıaý áskerleri bul kemeni baqylaýǵa alǵan.
Buǵan deıin qaqtyǵys bastalǵaly beri alǵash ret krýızdik keme Ormýz buǵazy arqyly ótkendigi habarlanǵan.
Sondaı-aq Iranda Ormýz buǵazy arqyly ótetin kemeler úshin tranzıttik tólemderdi ulttyq valıýta — rıalmen esepteýge kóshirý usynylǵan bolatyn.
