AQSh Olımpıada jáne Paralımpıada komıteti transgender áıelderge jarysqa qatysýǵa tyıym saldy

ASTANA. KAZINFORM – AQSh-tyń Olımpıada jáne Paralımpıada komıteti (USOPC) saıasatyna jaqynda engizilgen ózgeristen keıin transgender áıelder budan bylaı Olımpıada jáne Paralımpıada oıyndarynyń áıelder sanattarynda AQSh atynan básekege túse almaıdy, dep habarlaıdy ABC News. 

Komıtet áıelderge bólingen sport túrlerine qatysýǵa jáne bólek sheshinetin bólmelerge tyıym salatyn mektepter men sporttyq qaýymdastyqtardy qosa alǵanda, shuǵyl shara qoldanýdy talap etetin prezıdent Donald Tramptyń aqpan aıyndaǵy buıryǵyna silteme jasady.

- Federaldyq deńgeıdegi uıym retinde biz federaldy úmitterdi aqtaýǵa mindettimiz, - dep málimdedi AQSh Olımpıada jáne Paralımpıada komıteti (USOPC).

Sportshylar qaýipsizdigi saıasatynyń jańartylǵan nusqasynda AQSh Olımpıada jáne Paralımpıada komıteti «transgender» sózin tikeleı qoldanbaı qaıta qaralǵan saıasat «áıelder úshin ádil jáne qaýipsiz básekelestik ortany qamtamasyz etýdiń mańyzdylyǵyna basa nazar aýdaratynyn»» málimdedi.

- AQSh Olımpıada oıyndarynyń komıteti ssporttyq jarystarǵa qatysatyn sportshylardyń múmkindikterin qorǵaýǵa tyrysady. Komıtet prezıdenttiń 14201 Jarlyǵyna jáne Ted Stıvenstiń olımpıadalyq jáne áýesqoı sport týraly zańyna sáıkes áıelderge ádil jáne qaýipsiz básekelestik ortasyn qamtamasyz etý úshin HOK, HPK, ulttyq sport federatsııalary sııaqty ártúrli múddeli taraptarmen yntymaqtastyqty jalǵastyrady, - delingen USOPC saıtynda jarııalanǵan jańartylǵan saıasatta. 

Buǵan deıin AQSh transgenderlerdi áskerden bosatatyny týraly jazǵan bolatynbyz.