AQSh Okınavada paıdalanyp kelgen jerdi Japonııaǵa qaıtarmaq
ASTANA. QazAqparat - AQSh jáne Japonııa úkimetteri Vashıngtonnyń Okınava aralynda AQSh-tyń teńiz jaıaý áskeri polıgon retinde paıdalanyp kelgen 4046 gektarǵa jýyq jerdi qaıtaratyndyǵyn málimdedi, dep habarlaıdy Military Times.
Jerdi berý 22 jeltoqsanda aıaqtalýy tıis. Bul 1972 jyldan bergi Okınavaǵa qaıtarylǵan iri terrıtorııa bolmaq. AQSh qorǵanys mınıstri Karter taıaýda ótken Japonııa peremer-mınıstri Abemen kezdesýde osy másele týraly málimdegen bolatyn .
Okınava - japondyq Rıýkıý arhıpelagyndaǵy eń iri aral. Onyń aýmaǵy - 1207 km². 1945 jylǵy sáýir - maýsym aralyǵynda Okınava úshin shaıqasta amerıkandyq ásker basyp alǵan edi.
1972 jyldan beri munda araldyń 18 paıyzyn alyp jatqan amerıkandyq áskerlerdiń áskerı bazasy ornalasqan. AQSh Qarýly kúshteriniń aralda bolýy Japonııa turǵyndarynyń qarsylyǵyn týǵyzýda, dep jazady life.ru.
