AQSh ókimeti iri aıyppul salǵan Shveıtsarııanyń ejelgi banki kúıredi
ASTANA. 7 qańtar. QazAqparat - Shveıtsarııanyń baıyrǵy banki - «Vegelın» qarjylyq qıyndyqtarǵa baılanysty óziniń ómir súrýin toqtatqanyn jarııalady, dep habarlady ITAR-TASS.
Sonymen birge ol Nıý-Iorktegi amerıkan sotynda AQSh azamattarynyń salyqtan jaltarýyna kómekteskeni úshin aıypty ekenin moıyndady.
Tıisti habarlama álemdik qarjy naryqtaryna taratyldy.
«Bank AQSh ókimet oryndaryna 57,8 mln. dollar kóleminde aıyppul tólegennen keıin ol ómir súrýin toqtatady», - delingen onda.
1741 jyly reseı taǵyna Petr І-niń qyzy - Elızaveta Petrovna otyrǵan kezde qurylǵan «Vegelın» sońǵy on jyl boıy óziniń qurylymdary arqyly júzge tarta amerıkandyq azamattarǵa salyqtan jaltarýǵa múmkindik bergenin málimdedi. Bul rette olardyń salyq qyzmetterinen jasyrǵan qarjysy 1,2 mlrd. dollarǵa jýyq aqshany qurady.
«Vegelın» amerıkandyq sot aldynda Qurama Shtattar azamattaryn salyqtan jaltarýdaǵy AQSh ókimet oryndarynyń aldyndaǵy kinásin moıyndaǵan alǵashqy sheteldik bank boldy. Bul úshin ol offshorlyq esepshottardy pvaıdalanǵan.
AQSh ádilet mınıstrligi tarapynan sotpen qýdalaýdyń nátıjesinde Shveıtsarııanyń ejelgi bank kúıredi.
Tórt jyl buryn Shveıtsarııanyń iri banki - ıÝBS-qa AQSh ókimet oryndary amerkan azamattaryna salyqtan jaltarýǵa járdemdeskeni úshin aıyppul salǵan bolatyn. Alaıda ol kezde osy shveıtsarııalyq nesıe ınstıtýty sot aldynda kinásin moıyndaǵan joq, degenmen 780 mln. dollar kólemindegi aıyppuldy tóledi.
Qazir AQSh ókimet oryndary amerıkandyq salymshylardy tartý úshin offshorlyq esepshottardy paıdalanǵany úshin 11 shveıtsarlyq bankke qarsy tekserý júrgizýde.
