AQSh ókili BUU Qaýipsizdik Keńesinde KHDR-ǵa jańa sanktsııalar qoldanýdy usyndy
ASTANA. QazAqparat - ıAdrolyq synaqtardy uıymdastyrýmen jáne ózge de zańsyz áreketteri arqyly Soltústik Koreıa óziniń soǵys ashýǵa beıim ekenin aıqyn tanytty. Bul týraly BUU-nyń Qaýipsizdik Keńesiniń otyrysynda AQSh-tyń atalmysh halyqaralyq uıymdaǵy turaqty ókili Nıkkı Heılı málim etti, dep habarlady segodnya.ua «Ýkrınform» agenttigine silteme jasap.
«Kım Chen Ynnyń ıadrolyq qarý arqyly dóń-aıbat kórsetýi - onyń soǵysty qalap turǵynan kórsetedi»,-dedi Heılı.
Ol sonymen qatar AQSh-tyń soltústikkoreıalyq rejımmen áskerı qaqtyǵystardy múmkindiginshe boldyrmaýǵa tyrysatynyn, alaıda olardyń tózimi sheksiz emes ekenin jetkizdi.
«AQSh soǵysty qalamaıdy jáne biz qazir de osy ustanymdamyz. Alaıda bizdiń memleketimizdiń tózimi sheksiz emes. Biz ózimizdiń odaqtastarymyzdy jáne terrıtorııamyzdy qorǵaımyz»,-dedi dıplomat.
Sonymen qatar Heılı KHDR-dyń áreketterin qorǵanys maqsatynda jasalyp otyr deý qıyn ekendigin aıtty.
«Ol ózin ıadrolyq derjava retinde moıyndalǵanyn qalaıdy. Alaıda bul mártebe qarýdy ózgelerdi qorqytý úshin paıdalaný degendi bildirmeıdi. ıAdrolyq memleketter ózderiniń jaýapkershilikterin sezinedi. Kım Chen Yn bolsa, osy jaýapkershilikti tanytýǵa umtylmaıdy da»,-dep qorytty AQSh ókili.
Aıta keteıik, dúısenbi kúni Nıý-Iorkte BUU Qaýipsizdik Keńesiniń shuǵyl otyrysy ótti. Ol AQSh, Japonııa, Frantsııa, Ulybrıtanııa men Ońtústik Koreıa ókilderi tarapynan KHDR-nyń ıadrolyq synaq ótkizýine baılanysty shaqyryldy.
