AQSh: Ogaıoda 8 adamdy atyp ketken qylmysker týraly aqparat bergen adamǵa 25 myń dollar syıaqy taǵaıyndaldy
ASTANA. Qazaqparat - Tsıntsınnatılik steıkhaýs ıesi Djef Rýbı Ogaıo shtatynyń ońtústiginde bir otbasynyń 8 adamyn óltirip ketken kúdiktini tutqyndaýǵa járdemdesetin aqparat bergen adamǵa 25 myń dollar syıaqy usyndy.
Budan buryn shtat bıligi kúdikti oqıǵa ornynan Paıkton qalashyǵyna jasyrynýy múmkin ekenin, ázirge izdeý nátıje bermegenin málimdegen.
Bılik kúdikti qarýly ári qaýipti ekenin eskertti. Ári shabyldaýshylar birnesheý bolýy da múmkin.
Ogaıo ońtústigindegi aýylda Roden otbasynan 8 adamdy óltirip ketkeni týraly aqparat 22 sáýirde belgili bolǵan.
Qaza bolǵandardyń ishinde - jeti eresek, bir 16 jastaǵy jasóspirim bar.
Týǵanyna 4 kún bolǵan bir sábı men úsh jasqa tolmaǵan eki búldirshin ǵana aman qalǵan.
