AQSh: Nusqaýshysyn atyp óltirgen 9 jasar qyzǵa aıyp taǵylmaıtyn boldy
ASTANA. QazAqparat - Amerıkalyq bılik atys jattyǵýy nusqaýshysyna abaısyzda oq darytqan on jasar qyz balany jazaǵa tartpaıtynyn málimdedi.
39 jastaǵy Charlz Vakkanyń ólimi óndiristegi jazataıym oqıǵa retinde qaralýda, dep málimdedi Mohavk okrýginiń bıligi.
Vakka Arızon shtatyndaǵy atys alańynda kishkentaı qyzǵa qarýdy qoldanýdy úıretýden sabaq bergen. «Ýzı» tapansha-pýlemetin qolyna alǵan qyz nysanany kózdep oq ata bastaǵan. Alaıda qarýdyń serpini kúshti bolýy sebepti búldirshin qarýǵa ıe bola almaı, oq nusqaýshyǵa tıedi. Ol Las-Vegasta aýrýhanada qaıtys boldy.
Atys alańyna qyz ata-anasymen kelgen bolatyn, olar bolǵan qaıǵyly jaǵdaıǵa óz kózderimen kórdi.
Kóptegen amerıkalyq shtattarda balalardy qarý qoldanýǵa jastaıynan úıretedi, alaıda ádette atys alańynda qaýipsizdiktiń qatań qaǵıdasy bar, ony saqtaǵan jaǵdaıda, mundaı jaǵdaılar oryn almas edi.
