AQSh naızaǵaıdy áskerı maqsatta paıdalanýdy qarastyryp jatyr
ASTANA. 26 maýsym. QazAqparat - Amerıkalyq áskerıler jańa qarý - naızaǵaıdy synaqtan ótkizýde. Ol jasyrynǵan mınalardy jaryp, qarsylastyń bronotehnıkasynyń kózin joıa alady.
Dnı.rý ǵalamtor gazetiniń jazýynsha, lazerdiń kómegimen jaýdyń tankileri men jarylmaǵan mınalar syndy nysandardy dál qurta alatyn elektr oǵy ótetin aýada arnaıy arna ashylady. Ǵalymdardyń sózine qaraǵanda, mundaı maqsattar jerge qaraǵanda jaqsy elektr ótkizgishteri bolyp tabylady. Bolashaqtyń qarýy urys alańyna, rasynda da, naızaǵaıdy shaqyra alady. «Biz naızaǵaı soqqylarynyń tájirıbe barysynda nysandardyń kózin qurtýyn qaraýdan jalyqqan emespiz», - dedi Nıý-Djersı shtaty Pıkatını áskerı bazasyndaǵy AQSh áskerin jaraqtandyrýdy zertteý, damytý men jobalaý ortalyǵynyń jetekshi mamany Djordj Fısher. Ol jańa qarý naızaǵaı fızıkasynyń erekshelikterin qoldanatynyn túsindirdi. Bul - naızaǵaı aspany men jerdiń arasynda paıda bolatyn kúshti elektr razrıady. Naızaǵaı elektrli áleýet aıyrmashylyǵy kúshti jerde paıda bolady da, qarsylyq az jolmen júredi. Jańa qarý jaǵdaıynda mundaı jol jasandy túrde jasalynady, dep habarlaıdy Eýrazııa birinshi arnasy.
