AQSh Mysyr ekonomıkasyn qoldaýǵa 150 mln dollar bóledi
ASTANA. 19 aqpan. QazAqparat - Vashıngton Mysyrǵa el prezıdenti Hosnı Múbárak otstavka ketkennen keıin, bıliktiń beıbit jolmen berilýine qolǵabys etý maqsatynda 150 mln. dollar kóleminde qarjylyq kómek bóledi. Bul týraly RBK habarlaıdy.
«Biz Mysyrǵa eldegi saıası turaqtylyqty jáne ekonomıkany qalpyna keltirý úshin 150 mln. dollar bólemiz», - dep málimdedi AQSh memlekettik hatshysy Hılları Klınton senatorlarmen ótken májilistiń qorytyndysy boıynsha.
H.Klınton sondaı-aq taıaý ýaqytta Memlekettik hatshynyń saıası máseleler jónindegi orynbasary Ýılıam Berns pen AQSh prezıdentiniń halyqaralyq ekonomıkalyq qatynastar jónindegi keńesshisi Devıd Lıpton Kaırge baratynyn habarlady. Laýazymdy sheneýnikterdiń sapary barysynda Vashıngtonnyń Mysyrǵa kómek kórsetýdegi naqty basymdyqtary anyqtalatyn bolady, dep aqparat beredi "Sınhýa".
