AQSh musylmandary Isa paıǵambardy lańkes etip kórsetken fılmge jappaı narazy
ASTANA. 6 naýryz. QazAqparat - Isa paıǵambar qatygez, qanypezer retinde sýretteletin amerıkalyq fılm osy eldiń musylmandary tarapynan synǵa ushyrady.
Bul jaıynda muslim.kz habarlady.
«Isa paıǵambardy (r.a.) istemegendi istedi dep, shynaıy tarıhty burmalaǵany onyń paıǵambarlyǵyn moıyndaıtyn musylmandar úshin aýyr soqqy boldy», - dep málimdedi Amerıka-ıslam qatynasyna jaýapty ulttyq keńestiń atqarýshy dırektory Nıhad Avad.
«Saturday Night Live» NBC arnasynan kórsetilgen fılmde rımdikterge qarsy kúresken Isa paıǵambar (r.a.) baryp turǵan qanisher, asqan qatygez retinde sýrettelgen. Onda Isa (r.a.) rımdikterdi tas-talqan etip, tamtyǵyn qaldyrmaıdy. Adam qany sýdaı aqqan fılmde bylapyt sózder órip júr.
«Biz sóz bostandyǵyn qoldaımyz. Alaıda, nanym-senimge degen qurmet bolýy kerek», - dedi Avad.
Paıǵambarlarǵa jala jaýyp, til tıgizgen amerıkalyq fılmder tek munymen ǵana shektelmeıdi.
Qyrkúıek aıynda Paıǵambarymyz Muhammed Mustafany (s.a.s.) kelemejdegen fılm kórermenderge jol tartqan bolatyn. Bul fılm de álem musylmandarynyń jappaı narazylyǵyn týdyrdy.
Atalmysh fılmniń narazylyq týdyrýyna baılanysty BUU tarapynan dinı nanym-senimdi qorlaýǵa tyıym salǵan qarar qabyldandy.
