AQSh musylman álemin damytýǵa baǵyttalǵan sharalardyń jańa baǵdarlamasyn usynady - Hılları Klınton
ASTANA. Qarashanyń 4-i. QazAqparat - AQSh ókimeti musylman álemimen qarym-qatynastaǵy jańa kezeńdi bastaý týraly prezıdent Barak Obamanyń ýádesin ustanatyn bolady.
Bul týraly seısenbi kúni Marokkonyń Marrakesh qalasynda ótken «Keleshekke arnalǵan forýmda» AQSh memlekettik hatshysy Hılları Klınton málim etti, dep habarlaıdy ITAR-TASS agenttigi.
Memlekettik hatshynyń aıtýynsha, Vashıngton ıslam álemindegi kásipkerlikti yntalandyrýǵa, ekonomıka men bilim berý salasyn damytýǵa baǵyttalǵan jańa bastamalar usynýdy josparlap otyr. Ol usynystar sonymen birge, ǵylymı-tehnıkalyq yntymaqtastyqty qoldaýǵa, musylman qoǵamdaryndaǵy áıelderdiń rolin kóterýge jáne túrli dinı konfessııalar ókilderiniń arasyndaǵy dıalogty damytýǵa baǵyttalatyn bolady, dedi H.Klınton.
