AQSh Mońǵolııaǵa elden zańsyz alyp ketken 18 dınozavrdyń súıegin qaıtardy
ASTANA. QazAqparat - Súıektiń jasy 68-80 mln. jyl buryn ómir súrgen dep baǵalanýda, olar shól daladan tabylǵan.
AQSh bıligi Mońǵolııaǵa 18 dınozavrdyń súıegin keri qaıtardy. Olardy elden kontrabandalyq jolmen alyp ketken. Bul týraly beısenbi kúni Nıý-Iorktiń Ońtústik okrýginiń federaldyq prokýrory Prııt Bharara arnaıy rásimde habarlady, dep jazady ITAR-TASS.
Jasy 68-80 mln. jylǵa baǵalanǵan dınozavr súıekteri Mońǵolııa aýmaǵyndaǵy Gobı shól dalasynan tabylǵan. Olardyń ishinde eki tarbozavr men bir prototseratopstyń qańqasy bar, qus tárizdes ovıraptorlardyń súıekteri jaqsy saqtalǵan, sondaı-aq tasqa aınalǵan dınozavrdyń jumyrtqasy bar.
Urlyqshy 2012 jylǵy qazanda tutqyndaldy jáne birden óz kinásin moıyndady. Amerıkandyqty úsh jylǵa deıin bas bostandyǵynan aıyrý jazasy kútip turdy. Alaıda AQSh bıliginiń kómegi úshin prokýratýra onyń jazasyn jumsartty.
2012 jyly mamyrda qoldy bolǵan qańqa Nıý-Iorkte aýktsıonda 1,05 mln. dollarǵa satylǵan. Mámileniń zańsyzdyǵyna Mońǵolııa úkimeti shaǵymdandy, tergeý júrgizgennen keıin baryp olar eline qaıtaryldy.
