AQSh: Mıssýrıde qurylys kezinde kópir qulap, bir adam mert boldy
VAShINGTON. QazAqparat - Mıssýrı shtatynyń Kanzas-Sıtı qalasynyń mańynda salynyp jatqan kópirdiń qulaýy saldarynan bir adam qaza taýyp, taǵy úsheýi jaralandy, dep habarlaıdy QazAqparat tilshisi ABS News-ke silteme jasap.
Kleı okrýgi sherıf keńsesiniń málimetinshe, jumysshylar beton quıyp jatqan kezde kópir qurylysshylardyń ústine qulaǵan. Oqıǵa saldarynan tórt adam úıindiniń astynda qalyp, úsheýi óz betinshe shyqqan. Olar túrli jaraqattarmen oblystyq aýrýhanaǵa jetkizildi.
Jergilikti bıliktiń málimetinshe, kópir qulaǵan kezde oqıǵa ornynda birneshe merdiger kompanııa bolǵan. Eki jolaqty kópir 2016 jyldan beri jabyq turǵan. Qurylys 2021 jyldyń mamyr aıynda bastalyp, 2023 jyldyń basynda qaıta ashylady dep josparlanǵan. Polıtsııanyń málimetinshe, qurylys kezinde qaýipsizdik sharalary saqtalǵan. Injenerlik merdiger beton quımas buryn kópirdi teksergen. Jazataıym oqıǵaǵa qatysty tergeý AQSh Eńbek mınıstrliginiń Eńbekti qorǵaý jáne qaýipsizdik basqarmasyna tapsyryldy
Foto:abcnews.go.com
