AQSh mıssıonerleri gaıtılik balalardy urlamaq boldy dep aıyptalyp otyr
ASTANA. Aqpannyń 5-i. QazAqparat - Ótken juma kúni Gaıtıdiń Domınıkan Respýblıkasymen shekarasynda 33 gaıtılik balany el aýmaǵynan zańsyz áketpek bolǵan kezde qamaýǵa alynǵan 10 AQSh azamatyna 15 jyl túrme qaýpi tónip tur.
Keshe, beısenbi kúni gaıtılik ókimet olarǵa balalar urlady jáne qylmystyq ymyralasty degen aıyptar taqty. Sı-En-En jáne Eı-Bı-Sı telekompanııalarynyń habarlaýynsha, Aıdaho shtatynan kelgen mıssıonerlerdi jergilikti zań boıynsha 15 jyl túrme kútip tur. Qylmystyq ymyra úshin 9 jyl jaza qarastyrylǵan.
Buqaralyq aqparat quraldarynyń habarlaýynsha, sot úsh aıǵa deıin sozylýy múmkin. Amerıkandyqtardyń aıtýynsha, olar ata-anasyz qalǵan balalardy áketip bara jatqan. Biraq ta, bul áńgimelerin rastaıtyn qoldarynda qujattary bolmaǵan. Topqa ilesken aýdarmashylar, mıssıonerlerdiń balalardyń ata-analarymen áńgimelerine qatysqandaryn aıtýda. Keıbir ata-analar keıinnen, olar óz balalaryn amerıkandyqtarǵa qýana bergenderin, sebebi olar balalaryna jaqsy jaǵdaı jasaýǵa, qalaǵan kezderinde balalardy ata-analarymen kóristirýge ýáde bergenderin aıtqan.
