AQSh myqty qurama bolǵanymen, bizde de múmkindik bar – Elena Rybakına

ASTANA. KAZINFORM – Elena Rybakına Qytaıdyń Shenchjen qalasynda Bıllı Djın Kıng kýbogynyń shırek fınalynda AQSh quramasymen ótetin match aldynda óz oı-pikirimen bólisti. Bul týraly Qazaqstan tennıs federatsııasynyń baspasóz qyzmeti málimdedi.

Qazaqstandyq tennısshiniń málim etkenindeı, daıyndyq oıdaǵydaı ótip jatyr.

- Ár týrnırge ázirlik men úshin birdeı deýge bolady. Amerıkada men kóp match ótkizdim, bul, árıne, jaqsy. Nıý-Iorkta azdaǵan jaraqat aldym, sondyqtan qalpyma kelý úshin úzilis alýǵa týra keldi. Birneshe kúnnen beri osyndamyz. Alda áli eki kún bar, sondyqtan bári qalypty, - dedi Rybakına. 

Qarsylastarǵa toqtalǵan tennısshi AQSh quramasynyń deńgeı óte joǵary ekendigin aıtty. 

- AQSh-tyń álemdegi eń myqty komandalardyń biri ekendigi anyq. Pegýlaǵa talaı ret qarsy keldim. Navarromen de ońaı bolǵan joq. Árıne, komandalyq jarystyń óz ereksheligi bar, qysym da, psıhologııa da basqasha. Degenmen bizde de múmkindik bar, úzdik nátıje kórsetýge tyrysamyz, - dep jazdy E.Rybakınanyń sózin QTF baspasóz qyzmeti.

Eske sala keteıik, budan buryn Anna Danılınanyń AQSh komandasymen básekede baryn salatyny jóninde aıtqanyn jazǵan edik.