AQSh Memlekettik hatshysy Tramptyń Gazany basyp alý týraly usynysynan keıin Taıaý Shyǵysqa barady
ASTANA.KAZINFORM - AQSh Memlekettik hatshysynyń bul sapary Donald Tramptyń Palestına turǵyndaryn Gazadan kóshirý týraly synǵa ushyraǵan usynysynan keıingi alǵashqy sapary bolmaq, dep jazady Kazinform-nyń menshikti tilshisi.
AQSh Memlekettik hatshysy Marko Rýbıo aqpan aıynyń ortasynda Izraıl men arab elderine barady.
Memlekettik departamenttiń joǵary laýazymdy ókili beısenbi kúni keshke Rýbıonyń 13-18 aqpan aralyǵynda Mıýnhendegi qaýipsizdik konferentsııasyna, sondaı-aq Izraıl, Birikken Arab Ámirlikteri, Katar jáne Saýd Arabııasyna baratynyn aıtty.
Amerıkalyq sheneýniktiń aıtýynsha, sapar barysynda Rýbıo Gaza sektoryndaǵy jaǵdaıdy jáne 2023 jylǵy 7 qazanda HAMAS-tyń Izraılge jasaǵan shabýyldarynyń saldaryn talqylaıdy, sondaı-aq aımaqtaǵy statýs-kvony buzýǵa baǵyttalǵan Tramptyń ustanymyn ustanatyn bolady.
Quqyq qorǵaý uıymdary Tramptyń Gaza sektoryndaǵy palestınalyqtardy kóshirý kerek degen usynysyn aıyptady.
Rýbıo sársenbi kúni anklavta turatyn palestınalyqtardy Izraıl men Gaza arasyndaǵy soǵystan keıin qalpyna kelgenshe ýaqytsha kóshýge týra keletinin aıtty.
25 qańtardan beri Tramp birneshe ret Gaza sektoryndaǵy palestınalyqtardy Mysyr men Iordanııa sııaqty arab elderine kóshirýdi usyndy. Bul ıdeıany arab memleketteri men palestınalyqtar qabyldamady. Tramptyń usynysy úılerinen birjola qýylýynan qaýiptenetin palestınalyqtardyń burynnan kele jatqan qorqynyshyn údetti.
Tramp jaqynda Gazada «Taıaý Shyǵys Rıverasyn» salýdy usyndy.
Tramptyń jospary boıynsha, soǵys aıaqtalǵannan keıin Izraıl Palestına anklavyn AQSh-qa beredi.
Tramp orta tap úshin buryn-sońdy bolmaǵan tómen salyq usynǵan edi.