AQSh Memlekettik hatshysy Pákistanǵa Úndistanmen kelissózder uıymdastyrýǵa kómektesýdi usyndy

ASTANA. KAZINFORM — AQSh Memlekettik hatshysy Marko Rýbıo Pákistan men Úndistandy shıelenisti báseńdetýdiń joldaryn tabýǵa shaqyrdy, dep habarlaıdy VVS agenttigi.

— AQSh ýaqytymen 9 mamyr, juma kúni keshke Memlekettik hatshy Marko Rýbıo Pákistan armııasynyń basshysy general Asım Mýnırmen sóılesip, eki el arasyndaǵy jaǵdaıdy beıbit jolmen retteýdiń mańyzyn atap ótti, — dep málimdedi Memlekettik departament ókili Temmı Brıýs.

Rýbıo sonymen qatar, AQSh-tyń bolashaqta qaqtyǵystyń órshýine jol bermeý úshin konstrýktıvti kelissózder júrgizýge kómektesýge daıyn ekenin bildirdi.

Senbi kúni tańerteń Pákistan birneshe saǵat buryn óz áýe bazalaryna jasalǵan zymyran shabýylyna jaýap retinde Úndistanǵa qarsy áskerı operatsııa bastaǵanyn jarııalady. Al Úndistan bıligi eskalatsııaǵa jaýap berýge daıyn ekenin málimdedi.