AQSh Memlekettik hatshysy men Túrkııa Syrtqy ister mınıstri Gaza sektoryndaǵy jaǵdaıdy talqylady
AQSh Memlekettik hatshysy Entonı Blınken men Túrkııa Syrtqy ister mınıstri Hakan Fıdan kezdesý ótkizdi. Kazinform bul týraly Anadoly aqparat agenttigine silteme jasap habarlaıdy.
Blınken H áleýmettik jelisinde atap ótkendeı, áńgime barysynda olar Izraıl men HAMAS arasyndaǵy qaqtyǵysy men onyń aımaqtyń basqa jerlerine taralmaýyn qamtamasyz etý áreketteri, qalǵan tutqyndardy bosatý qajettiligi jáne gýmanıtarlyq kómekti jetkizý máselelerin talqylady.
Memlekettik hatshy Túrkııanyń Shvetsııanyń NATO-ǵa músheligin maquldaýynyń mańyzdylyǵyn da atap ótti.
“Biz amerıkandyq áriptesterimizge Gaza sektoryndaǵy jaǵdaıǵa qatysty óz ustanymymyzdy óte anyq aıtamyz. Biz olarǵa (AQSh-qa) mundaǵy jaǵdaıdyń kúrdeliligin, budan bylaı toleranttylyq bolmaıtynyn jáne osyǵan baılanysty qandaı qadamdar jasaý kerektigin anyq aıttyq», - dep málimdedi áńgimeden keıin sóz alǵan Fıdan.
Fıdan Blınkenmen kezdesýde olar Shvetsııanyń NATO-ǵa músheligi máselesin de talqylaǵandaryn aıtty.
“Árıne, bizdiń mundaǵy ustanymymyz anyq: NATO-da júrgizilgen kelissózderdiń nátıjesinde bizdiń Prezıdent pen Shvetsııa premer-mınıstri úshjaqty sammıtte boldy. Biz jumys istep jatqan máseleler bar», - dedi Blınken, sheshimdi Túrkııa parlamenti qabyldaıtynyn qosyp ótip.
