AQSh Memlekettik hatshysy Marko Rýbıo Qazaqstanǵa saparlaýy múmkin
ASTANA. KAZINFORM — Qazaqstan Respýblıkasynyń Syrtqy ister mınıstri Muhtar Tileýberdi AQSh Memlekettik hatshysy Marko Rýbıomen kezdesti.
Mınıstrliktiń baspasóz qyzmeti málim etkendeı, eki eldiń syrtqy saıası vedomstvolarynyń basshylary saýda-ekonomıkalyq jáne ınvestıtsııalyq yntymaqtastyqty nyǵaıtýǵa basa nazar aýdara otyryp, keńeıtilgen strategııalyq áriptestikti odan ári damytý perspektıvalaryn talqylady.
Taraptar ekijaqty qatynastardyń oń serpinin atap ótip, praktıkalyq ózara is-qımyldy keńeıtýge, taýar aınalymyn ulǵaıtýǵa jáne birlesken ınvestıtsııalyq jobalardy iske asyrýǵa ózara múddeliligin rastady.
azaqstan Prezıdenti Qasym-Jomart Toqaevtyń AQSh Prezıdenti Donald Tramppen 2025 jylǵy qarashada ótken kezdesýiniń qorytyndylaryn qosa alǵanda, joǵary deńgeıde qol jetkizilgen ýaǵdalastyqtardy iske asyrýǵa erekshe nazar aýdaryldy.
Muhtar Tileýberdi iskerlik baılanystardy nyǵaıtýdyń, amerıkalyq ınvestıtsııalar men ozyq tehnologııalardy tartýdyń, sondaı-aq energetıka, asa mańyzdy mıneraldar, tsıfrlandyrý, kólik jáne logıstıka salalaryndaǵy yntymaqtastyqty damytýdyń mańyzdylyǵyn atap ótti.
— Sondaı-aq taraptar Maıamıde ótetin aldaǵy G20 sammıtine daıyndyq máseleleri jóninde pikir almasty. Budan bólek, Marko Rýbıo G20 sammıtinen keıin jaqyn arada Qazaqstan Respýblıkasyna tolyq formattaǵy saparmen kelýge múddeli ekenin rastady. Kezdesý qorytyndysy boıynsha Qazaqstan-Amerıka keńeıtilgen strategııalyq áriptestigin odan ári nyǵaıtýǵa jáne naqty praktıkalyq nátıjelerge qol jetkizýge ózara múddelilik rastaldy, — delingen habarlamada.
Buǵan deıin AQSh Memlekettik hatshysy Marko Rýbıo jeksenbi kúni keshke Ózbekstanǵa jumys saparymen kelgenin jazǵanbyz.
