AQSh memlekettik hatshysy Izraılde kelissóz júrgizip jatyr

Entonı Blınken Iordanııa, Qatar men Saýd Arabııasyndaǵy kelissózderden keıin arab kóshbasshylarynyń Gaza sektoryn qalpyna keltirý jáne uzaqmerzimdi beıbitshilik ornatý týraly usynysymen Tel-Avıvke keldi. Kazinform bul týraly Euronews-ke silteme jasap habarlaıdy.

AQSh pen Taıaý Shyǵys elderi Izraıldi Gaza sektoryndaǵy soǵys qımyldarynyń qarqynyn báseńdetýge shaqyrdy. AQSh Memlekettik hatshysy Entonı Blınken Iordanııa, Qatar men Saýd Arabııasyndaǵy kelissózderden keıin arab kóshbasshylarynyń Gaza sektoryn qalpyna keltirý jáne uzaqmerzimdi beıbitshilik ornatý usynysymen Tel-Avıvke keldi.

BUU bas hatshysy Antonıý Gýtterısh Nıý-Iorkte Gaza sektoryn qaıta qurý máselesi boıynsha BUU aǵa úılestirýshisi Sıgrıd Kagpen kezdesý ótkizdi. Kag bul qyzmetke jeltoqsannyń sońynda taǵaıyndaldy. Ol palestınalyq anklavqa gýmanıtarlyq kómek jetkizýge járdem etedi.

ıÝNISEF habarlaýynsha, Gaza sektoryndaǵy mıllıondaǵan balanyń ómirine ashtyq pen aýrý qaýpi tónip tur. Balalar ólimi qaýpi artyp jatyr. 155 myń júkti áıel de qıyn jaǵdaıda qaldy.

«Biz josparly ekpe jasaý úshin 600 000 vaktsına aldyq. Ol balalardyń ómiri men amandyǵy úshin asa mańyzdy. Bombalaýdan aman qalǵan balalar ekpe almaǵannan qaıtys bolǵanyn qalamaımyz, - dedi ıÝNISEF ókili Maýlıd Varfa.

Izraıldiń Gaza sektoryna soqqylary saldarynan 7 qazannan beri 20 258 adam mert boldy, taǵy 53 688-i jaraqat alǵanyn jazǵan edik.