AQSh Memlekettik departamenti saıahat týraly keńesin jańartty

ASTANA. KAZINFORM — AQSh Memlekettik departamenti halyqaralyq saparǵa shyǵýdy josparlap otyrǵan azamattarǵa arnalǵan týrıstik keńesterdi jańartty, dep habarlaıdy RIA Novostı.

Birqatar el, sonyń ishinde Reseı, Ýkraına jáne Belarýs úshin tórtinshi — eń joǵary qaýip deńgeıi saqtaldy. Bul osy memleketterge barýǵa tolyq tyıym salýdy bildiredi.

Vedomstvo bul deńgeı qaýipsizdikke eleýli qater tónetin elderge taǵaıyndalǵanyn túsindirdi. AQSh-tyń mundaı elderde óz azamattaryna kómek kórsetý múmkindigi aıtarlyqtaı shekteýli.

— Bul elder qaýipti jáne Amerıka Qurama Shtattarynyń óz azamattaryna kómektesý múmkindigi shekteýli. Bul elderge qandaı jaǵdaı bolmasyn barý usynylmaıdy, — delingen Memlekettik departamenttiń málimdemesinde.

Táýekel deńgeıi joǵary elder tizimine Aýǵanstan, Belarýs, Býrkına-Faso, Mıanma, Ortalyq Afrıka Respýblıkasy, Gaıtı, Iran, Irak, Lıvan, Lıvııa, Malı, Nıger, Soltústik Koreıa, Reseı, Somalı, Ońtústik Sýdan, Sýdan, Sırııa, Ýkraına, Venesýela jáne Iemen kiredi.

Aıta keteıik, AQSh Ortalyq Azııa azamattaryna 15 myń AQSh dollarǵa deıin vızalyq kepil engizdi.