AQSh Memlekettik departamenti qazaq halqyna kóńil aıtty

Qaraǵandy oblysynda shahterlardyń qaza bolýyna baılanysty Qazaqstannyń Amerıka Qurama Shtattaryndaǵy elshiliginde Memlekettik tý tómen túsirildi, dep habarlaıdy Kazinform agenttiginiń menshikti tilshisi.

Qazaqstannyń syrtqy saıasat vedomstvosy Qaraǵandy oblysyndaǵy shahtada bolǵan adamdardyń ólimine qatysty habardy erekshe kúızelispen qabyldady jáne marqum bolǵan azamattardyń otbasylary men jaqyndaryna kóńil aıtyp, zardap shekkenderdiń barlyǵynyń saýyǵyp ketýin tiledi.

Qazaqstan halqyna AQSh Memlekettik departamenti men Qurama Shtattarda akredıttelgen dıplomatııalyq korpýs ókilderi de kóńil aıtty.

Foto: Rústem Qojybaev/Kazinform

Qazaqstandaǵy qaıǵyly jaǵdaı qabyrǵasyn qaıystyrǵan barlyq adamdarǵa arnap «Kóńil aıtý kitaby» qoıyldy.

Foto: Foto: Rýstem Kojybaev/Kazinform