AQSh Memlekettik departamenti «C5+1» bastamasynyń 10 jyldyǵyna oraı iskerlik konferentsııa ótkizedi
ASTANA. KAZINFORM – AQSh Memlekettik departamenti Kennedı ortalyǵymen birlesip «C5+1» bastamasynyń 10 jyldyǵyna arnalǵan iskerlik konferentsııa ótkizedi, dep habarlaıdy eldiń basty syrtqy saıası organy.
AQSh Memlekettik departamenti «C5+1» dıplomatııalyq platformasy 2015 jyly iske qosylǵannan beri Qurama Shtattar men Ortalyq Azııanyń bes eli – Qazaqstan, Qyrǵyzstan, Tájikstan, Túrikmenstan jáne Ózbekstan arasyndaǵy yntymaqtastyqty nyǵaıtýǵa úles qosqanyn atap ótti.
Túrikmenstannyń Syrtqy ister mınıstri Rashıd Meredov, senator Stıv Deıns, prezıdenttiń arnaıy ókili Rıchard Grenell, AQSh-tyń Ońtústik jáne Ortalyq Azııa jónindegi arnaıy ókili Serdjıo Gor jáne Memlekettik hatshynyń Ońtústik jáne Ortalyq Azııa isteri jónindegi kómekshisi Pol Kapýr baıandama jasaıdy. Memlekettik hatshynyń orynbasary Krıstofer Landaý kompanııa basshylarymen plenarlyq paneldik talqylaý ótkizedi.
Memlekettik departament bul «C5+1» elderiniń joǵary laýazymdy memlekettik sheneýnikteri men bıznes kóshbasshylary on jyldyq jemisti yntymaqtastyqty atap ótý jáne AQSh pen Ortalyq Azııa elderi arasyndaǵy ekonomıkalyq jáne mádenı baılanystardy odan ári nyǵaıtý úshin bas qosatyn tarıhı oqıǵa ekenin atap ótti.
Buǵan deıin Tramp 6 qarasha kúni tústen keıin Donald Tramp Aq úıde Qazaqstan, Ózbekstan, Qyrǵyzstan, Tájikstan jáne Túrikmenstan prezıdentterimen jeke kezdesetinin jazǵan bolatynbyz.