AQSh Memlekettik hatshysynyń kómekshisi Almatyǵa kele jatyr
ALMATY. 29 qańtar. QazAqparat /Sara Mustafına/ - AQSh Memlekettik hatshysynyń muhıt máseleleri, halyqaralyq ekologııalyq jáne ǵylymı ister jónindegi kómekshisi doktor Kerrı-Enn Djons Almatyǵa kele jatyr.
Sapardyń maqsaty - ǵylym men tehnologııalar salasyndaǵy AQSh pen Qazaqstannyń yntymaqtastyǵyn ári qaraı damytý boıynsha konsýltatsııalar ótkizý bolyp tabylady.
1 aqpanda doktor Kerrı-Enn Djons Ortalyq Azııa boıynsha óńirlik ekologııalyq ortalyqqa at basyn tireıdi. Onda ótetin kezdesýge AQSh-tyń Qazaqstandaǵy elshiliginiń Ortalyq Azııadaǵy ekologııa, ǵylym, tehnologııa jáne densaýlyq saqtaý máselelerimen aınalysatyn ókilderi qatysady.
Amerıkandyq qonaq sondaı-aq Araldy qorǵaý halyqaralyq qorynda bolyp, elimizdiń ekolog-ǵalymdarymen kezdesedi.
