AQSh Memlekettik hatshysy Qazaqstanǵa keledi

ASTANA. QazAqparat - AQSh-tyń Memlekettik hatshysy Djon Kerrı Qazaqstan, Qyrǵyzstan, Ózbekstan, Tájikstan men Túrkimenstan elderine kelýge nıet bildirdi.

Bul týraly 27 qazan kúni jýrnalıstermen ótken brıfıng barysynda AQSh memlekettik departamenti baspasóz hatshysy Djon Kırbı málimdedi, dep jazady TASS.

«Memleketti hatshy ár eldiń úkimet ókilderimen ekijaqty kelissózder ótkizý úshin Bishkek, Samarqand, Astana, Dýshanbe jáne Ashhabadqa barady. Bul - Memhatshy Kerrıdiń Ortalyq Azııaǵa jasap otyrǵan alǵashqy sapary», - dep memlekettik departamenttiń málimdemesiniń sózin keltirdi RIA Novostı .

AQSh Memhatshysy Bishkekte Amerıka ýnıversıtetiniń jańa kampýsyn jáne AQSh elshiliginiń bir ǵımaratyn ashady. Samarqandta Kerrı S5+1 atalatyn bes memlekettiń syrtqy ister mınıstrlerimen kezdesedi. Al Astanada strategııalyq seriktestik aıasynda ótetin AQSh-Qazaqstan Dıalogy otyrysyna qatysady. Ashhabad pen Dýshanbede eki jaqty yntymaqtastyq máseleler talqylanady.

Kerrı Ortalyq Azııaǵa Venada 29 qazan kúni ótetin Sırııa boıynsha kelissózderge qatysqannan keıin barady dep josparlanyp otyr.