AQSh Memlekettik hatshysy Hılları Klınton Ýgandadaǵy jarylysty aıyptady
ASTANA. Shildeniń 14-i. QazAqparat - AQSh memlekettik hatshysy Hılları Klınton Ýgandadaǵy jarylysty aıyptady, dep habarlaıdy AQSh Memlekettik departamentiniń baspasóz qyzmeti.
«Ýgandanyń Kampala qalasyndaǵy fýtboldan álem chempıonatynyń fınalyn tamashalaýǵa jınalǵan beıbit kórermenderge baǵyttalǵan jarylysty qatań aıyptaǵan Prezıdent Obamanyń pikirine men de qosylamyn.
Bul jarylystan Amerıka azamattary jaraqat alǵan nemese qaza tapqan bolýy múmkin ekenin jaqsy túsinemiz jáne bizdiń elshilik kómek kórsetýge kúsh salyp jatyr. Jarylys qurbandarynyń Amerıka Qurama Shtattaryndaǵy jáne Ýgandadaǵy jaqyndaryna jáne dostaryna qaıǵyryp, kóńil aıtamyz.
Osy bir qaraly saǵatta Amerıka Qurama Shtattary Ýgandanyń qasynan tabylady. Ýganda halqymen jáne úkimetimen arada burynnan kele jatqan jaqyn dostyǵymyz bar jáne biz bul qylmysty oryndaýshylardy ádil jazaǵa tartqyzý jolynda birlese jumys isteıtin bolamyz», - delingen AQSh Memlekettik hatshysy Hılları Klıntonnyń málimdemesinde.
