AQSh Memlekettik hatshysy Djon Kerrı «Áziret Sultan» meshitinde boldy

ASTANA. QazAqparat - Qazaqstanǵa alǵash ret resmı saparmen kelgen AQSh Memlekettik hatshysy Djon Kerrı «Áziret Sultan» meshitinde boldy.

Bul týraly muslim.kz habarlady.

Muhıttyń arǵy jaǵynan kelip otyrǵan qonaqty Qazaqstan musylmandary dinı basqarmasynyń tóraǵa orynbasary, naıb múftı, «Áziret Sultan» meshitiniń bas ımamy Serikbaı qajy Oraz kútip alyp, qasıetti qulshylyq ordasynyń atynan arnaıy syılyq tabystady.

Aıta keteıik, AQSh hatshysy elimizge Ortalyq Azııanyń 5 memleketine sapary aıasynda kelip otyr. Buǵan deıin ol Qyrǵyzstan men Ózbekstanda bolyp, óńirdegi ózekti máseleler boıynsha ótken kelissózderge qatysqan bolatyn.