AQSh Memlekettik departamentinde musylman jigiti jumysqa taǵaıyndaldy
ASTANA. QazAqparat - AQSh-nyń memlekettik departamentiniń musylman uıymdary jumysyna jaýapty arnaıy ókili bolyp tehastyq Sharık Zafar taǵaıyndaldy, dep jazady muslim.kz.
Qazirgi kezde quqyqqorǵaýshy bolyp qyzmet atqaratyn Zafar ondaǵan jyldar boıy federaldy agenttik shyńdaýynan ótip, adam quqyqtary men musylman áleminiń túıtkilderi boıynsha bilim jınaǵan.
«AQSh úkimet quramyndaǵy musylmandarǵa qatty sene bermeıdi», - deıdi Zafardyń ózi qyzmettik taǵaıyndaýǵa qatysty bergen suhbatynda.
Jańa jumysyna kirisý úshin Zafar Memlekettik departamenttiń byltyrǵy jyly ǵana ashylǵan jańa bólimshesine aýysatyn boldy. Ol jerde onyń qaramaǵynda 25 maman jumys atqarady.
Jańa qyzmetke taǵaıyndalǵan tehastyq quqyqqorǵaýshynyń aldynda aıtarlyqtaı jaýapty tapsyrma kútip tur. Olardyń eń alǵashqysy -musylman jamaǵaty aldynda Barak Obama bedelin qalpyna keltirý. Ramazan aıynda Aq úıde jaıylǵan aýyzashar dastarhanynda Izraıl elshisi sóz sóılep, ile-shala Obamanyń ony jaqtaǵanyn musylman jamaǵaty áli umyta qoıǵan joq.
