AQSh memlekettik departamenti: «Islam memleketi» Internettegi aqparattyq soǵysta utyp otyr
ASTANA. QazAqparat - AQSh basqarǵan lańkestikke qarsy koalıtsııa Internettegi «Islam memleketi» tobynyń nasıhatyna tıimdi qarsy tura almaı otyr. Bul týraly amerıkandyq New York Times gazetinde jarııalanǵan AQSh memlekettik departamentiniń ishki qujattary aıǵaqtaıdy.
Jýrnalısterdiń qolyna Parıjde osy aıdyń basynda ótken Islam memleketine qarsy áskerı operatsııalarǵa qatysýshy-elderdiń keńesinen keıin jazylǵan AQSh memlekettik hatshysynyń ashyq dıplomatııa jáne jurtshylyqpen baılanys jónindegi orynbasary Rıchard Stengeldiń qyzmettik haty túsken. Stengel qujatta óziniń bastyǵy - AQSh syrtqy saıası vedomstvosynyń basshysy Djon Kerrıdi «koalıtsııa ishki jáne syrtqy kommýnıkatsııany jaqsy qoldaı almaı otyrǵany» týraly habardar etken.
«Eger syrtqy kommýnıkatsııa týraly aıtar bolsaq, biz Islam memleketinen utylyp otyrmyz, - deıdi memlekettik hatshynyń orynbasary. - Biz áreket etýge shoǵyrlanǵanbyz, biz Islam memleketine bul salada qalaı qarsy turýymyz qajettigi jóninde oılamaımyz». Stengeldiń atap ótýinshe, koalıtsııanyń basqa da qatysýshylary bul jaǵdaıdy shuǵyl túzetýge tyryspaı otyrǵanyn atap ótken.
New York Times osy qyzmettik hatqa túsindirme jasaı otyryp, «Memlekettik departamenttiń ishki jaǵdaıdy baǵalaýy kóńilsiz sýretti baıandaıdy, Obama ákimshiliginiń jáne onyń sheteldik odaqtastarynyń áreketsizdigin alǵa tartady. Sirá, kolalıtsııanyń Islam memleketiniń nasıhat mashınasyna qarsy kúresi tıimdi emes, «koalıtsııa bytyrańqy jáne óz ustanymdaryn aıqyn bildire almaı otyr», dep jazdy.
Osy jylǵy aqpan aıynda gazet AQSh Islam memleketine qarsy aýqymdy aqparattyq naýqan óristetýge nıetti ekenin jazǵan bolatyn. «AQSh prezıdenti ákimshiliginiń Islam memleketiniń nasıhat mashınasymen kúresinde, lańkestik top tıimdiligi jaǵynan bolsyn, jańa músheler men qarjylandyrý jaǵynan bolsyn AQSh pen onyń odaqtastaryna qarsy kóp jumys júrgizgeni moıyndalǵan.
