AQSh memqyzmetshileri tegin tamaqqa kezekke turýǵa májbúr boldy
ASTANA. QazAqparat - Amerıkalyq memlekettik qyzmetshiler sýpermarketterdiń aldynda tegin tamaqqa kezekke turdy, sebebi olarǵa jeltoqsannyń sońynan beri jalaqy tólemegen. Bul týraly Welt nemis telearnasynyń jeksenbi, 13 qańtardaǵy reportajynda aıtyldy, dep habarlaıdy QazAqparat.
800 myń memlekettik qyzmetshige Aq úı men kongress arasyndaǵy kelispeýshilik saldarynan «úkimettiń jabylýyna» baılanysty eńbekaqy tólenbegen. Soǵan qaramastan, AQSh prezıdenti Donald Tramp ta, demokratııalyq partııa ókilderi de ortaq kelisimge kele almaı otyr.
22 jeltoqsanda Qurama Shtattar úkimeti bıýdjet qarjysynyń bolmaýy saldarynan jumysyn jartylaı toqtatýǵa májbúr boldy. Shatdaýn respýblıkashyldar men demokrattardyń kongreste ýaqytsha memlekettik bıýdjettiń parametrine kelise almaǵannan keıin boldy. Demokratııalyq partııa ókilderi Meksıkamen shekaradaǵy qabyrǵany federaldyq bıýdjet esebinen salýǵa qarsylyq tanytýda.
