AQSh memhatshysynyń orynbasary Qańtar qasiretine qatysty pikir bildirdi

NUR-SULTAN. QazAqparat – AQSh Memlekettik hatshysynyń azamattyq qaýipsizdik, demokratııa jáne adam quqyqtary jónindegi orynbasary Ýzra Zeıa elimizde bolǵan qańtar qasiretin tergeý barysyna qatysty pikir bildirdi, dep habarlaıdy QazAqparat tilshisi.

«Biz Qazaqstanda oryn alǵan oqıǵalarǵa qatty alańdadyq. Úkimettiń osy oqıǵalarǵa qatysqandardyń barlyǵyn anyqtap, jaýapqa tartýǵa qatysty búkpesiz jaýabyn qoldaımyz. Biraq, sonymen qatar munyń barlyǵy zańnamaǵa saı bolýy tıis. Qazaqstanda adam quqyǵyn ilgerileýge qoldaý bildiremiz. Menińshe, bul qańtar oqıǵalarynan keıin barynsha ózekti bola tústi jáne ol sońǵy 30 jyldaǵy bizdiń ózara qarym-qatynasymyzdy pash etedi», - dedi ol búgin elimizdiń Syrtqy ister mınıstrliginde ótken kezdesýden keıin BAQ ókilderiniń saýalyna oraı.

Osy rette QR Syrtqy ister mınıstriniń birinshi orynbasary Aqan Rahmetýllın de atalǵan máselege qatysty oıymen bólisti.

«Qańtar oqıǵalary búgingi dıalogtyń eń birinshi sessııasynyń taqyryby boldy. Oǵan tek qana SІM ǵana emes, sonymen birge quqyq qorǵaý organdarynyń ókilderi qatysty. Birinshi kezekte Bas prokýratýra ókilderi tergeý barysy jaıly egjeı-tegjeıli jaýap berip, osy baǵytta memleket qabyldaǵan is-sharalar jaıynda aıtty. Dıalog jalǵasyp jatyr. Menińshe, amerıkalyq tarap osy baǵyttaǵy ózara is-qımylymyzǵa qanaǵattandy», - dedi Aqan Rahmetýllın.