AQSh memhatshysynyń Ońtústik jáne Ortalyq Azııa isteri boıynsha kómekshisi Qazaqstan, Ózbekstan men Úndistanǵa barady
AQSh memlekettik hatshysynyń Ońtústik jáne Ortalyq Azııa isteri boıynsha kómekshisi Donald Lý 4–11 qarasha aralyǵynda Qazaqstan, Ózbekstan men Úndistanǵa sapar shegetin delegatsııany basqarady, dep habarlaıdy Kazinform agenttiginiń menshikti tilshisi AQSh Memlekettik departamentine silteme jasap.
Ortalyq Azııaǵa sapar bıyl qyrkúıekte ótken BUU Bas Assambleıasy kýlýaryndaǵy «C5+1» birinshi prezıdenttik sammıt pen bıylǵy qazandaǵy óńirlik baılanys boıynsha «C5+1» mınıstrlik kezdesýin nátıjeli etýge baǵyttalǵan.
Astanaǵa kelgennen keıin AQSh memlekettik hatshysynyń kómekshisi Qazaqstan Úkimetiniń joǵary shendi sheneýnikterimen kezdesip, AQSh pen Qazaqstan arasyndaǵy Keńeıtilgen strategııalyq seriktestik týraly dıalogqa qatysady. Qurama Shtattar men Qazaqstan ortaq múddege qatysty, onyń ishinde saıasat pen qaýipsizdik, ekonomıkalyq yntymaqtastyq pen adam quqyqtaryn qorǵaý máseleleri boıynsha birqatar suraqty talqylaıdy. Sondaı-aq ol áıelder men qyzdardyń múmkindigi men quqyǵyn keńeıtý, sonymen qatar BAQ erkindigin qamtamasyz etý maqsatynda azamattyq qoǵammen kezdesý ótkizedi.
Sodan keıin Donald Lý Tashkentke baryp, AQSh pen Ózbekstan arasyndaǵy Strategııalyq yntymaqtastyq týraly Dıalog ótkizetin AQSh delegatsııasyn basqarady. Sapar kezinde AQSh memlekettik hatshysynyń kómekshisi qaýipsizdik salasyndaǵy ekijaqty baılanysty jáne saýda men ınvestıtsııa dıversıfıkatsııasy máselelerin talqylaıdy. Sondaı-aq adam quqyqtary máseleleri boıynsha jumys isteıtin azamattyq qoǵam ókilderimen kezdesý josparlanǵan.
Týrneni aıaqtaý úshin amerıkalyq delegatsııa óńirlik jáne jahandyq máseleler boıynsha strategııalyq úılesimdilikti, ekologııalyq taza energetıkany jáne qaýipsizdik salasyndaǵy yntymaqtastyqty talqylaý úshin Úndistanǵa barady. «2+2» dıalogi barysynda AQSh memlekettik hatshysynyń kómekshisi Donald Lý memlekettik hatshy E.Blınken men qorǵanys mınıstri L.Ostınniń qorǵanys pen qaýipsizdik, jańa tehnologııalar men taza energetıka jáne ǵarysh salasyndaǵy seriktestik taqyryptaryn damytý bastamasyn tanystyrady.
