AQSh Memhatshysynyń qarý aınalymy jónindegi kómekshisi Qazaqstanǵa keledi
ASTANA. KAZINFORM — AQSh Memlekettik hatshysynyń qarý aınalymyn baqylaý, tejeý jáne turaqtylyq saıasaty jónindegi kómekshisi Mellorı Stıýart kelesi aptada Astanaǵa keledi. Bul jaıynda AQSh Memlekettik departamentinen habarlandy.
Sapar 22-28 maýsym aralyǵyna josparlanǵan.
«Astanada Memlekettik hatshynyń kómekshisi Stıýart AQSh Memlekettik departamenti men Qazaqstannyń Qorǵanys mınıstrligi arasynda ıadrolyq táýekeldi tómendetý jónindegi ulttyq ortalyqtyń (NNRRC) qaýipsizdik jelisi boıynsha kelisimge qol qoıady», — delingen AQSh Memlekettik departamentiniń habarlamasynda.
Bul kelisim AQSh pen Qazaqstan arasyndaǵy qarym-qatynastyń álýetin jáne táýekelder men jahandyq turaqtylyqty tómendetýge jalpy qyzyǵýshylyqty kórsetedi.
AQSh Memlekettik hatshysynyń kómekshisi Stıýart odan keıin ıadrolyq qarýsyzdanýdy baqylaý jónindegi halyqaralyq seriktestiktiń (IPNDV) on jyldyǵyna qatysý úshin Jenevaǵa barady.
Onda ol ıadrolyq qarýsyzdanýdy baqylaýdyń bolashaǵy týraly sessııada sóz sóıleıdi.
