AQSh memdepartamenti M.Abbastyń sózin qorlaý dep baǵalady
ASTANA. QazAqparat - AQSh memlekettik departamentiniń ókili Djen Psakı Palestına avtonomııasynyń basshysy Mahmýd Abbas-tyń BUU-daǵy sózin qorlaý dep baǵalady, dep jazady VVS.
Psakıdiń aıtýynsha, BUU Bas Assambleıasyndaǵy Abbastyń sózi beıbitshilik úshin jasalyp jatqan kúsh-qaırattyń betin qaıtardy. Aıta keteıik, BUU-da M.Abbas Izraıl áskerı qylmyskerleriniń jasaǵanyn palestınalyqtar eshqashan umytpaıdy, keshirmeıdi jáne olar jazadan qutylmaıdy degen bolatyn. Sonymen qatar, ol Izraıl bıligin Gaza sektorynda genotsıd júrgizdi dep aıyptady. Izraıl men Gaza arasyndaǵy áskerı qaqtyǵys 50 kúnge sozylyp, 2000 palestınalyqtyń ómirin qıdy. Onda 73 ızraıldik qaza tapty.
