AQSh Memdepartamenti Saýd Arabııasynan dıplomattardyń bir bóligin shyǵarýdy tapsyrdy
ASTANA. KAZINFORM - AQSh Memlekettik departamenti qaýipsizdikke tóngen qaterge baılanysty Saýd Arabııasyndaǵy elshilik qyzmetkerleriniń bir bóligin elden shyǵarýdy tapsyrdy, dep jazady Anadolu Ajansı.
8 naýryzdaǵy nusqaýlyqta tótenshe mindetterge tartylmaǵan qyzmetkerler men olardyń otbasy músheleri týraly aıtylǵan. Bul jóninde 9 naýryz, dúısenbi kúni jarııalanǵan elshilik habarlamasynan málim boldy.
— Bul túzetý 2026 jylǵy 3 naýryzda berilgen AQSh úkimetiniń tótenshe mindetterge qatysy joq qyzmetkerlerine jáne olardyń otbasy múshelerine Saýd Arabııasynan ketýge ruqsat bergen Memlekettik departament sheshimine ózgeris engizedi. Shara qaýipsizdikke baılanysty qabyldanyp otyr, — delingen habarlamada.
Eske sala keteıik, 3 naýryz kúni AQSh Memlekettik departamenti amerıkalyq azamattardy Taıaý Shyǵystaǵy onnan astam elden shuǵyl túrde ketýge shaqyrǵan bolatyn.