AQSh mektepterinde Ebola qaýpinen sabaqtar toqtatylýda
ASTANA. QazAqparat - Amerıkalyq mektepter Ebola bezgegi vırýsynyń taralý qapýine baılanysty jabylýda. Bul týraly The Washington Post habarlady.
Ushaq bortynda Ebolany juqtyrǵan medbıkemen birge 132 jolaýshy boldy degen habarlamadan keıin keıbir mektepter ǵımaratty zalalsyzdandyrý úshin sabaqty toqtata turýǵa uıǵardy.
Sabaqty ýaqytsha toqtatqany týraly Solon qalasynyń, Ogaıo shtatynyń eki mektebi jáne Belton qalasyndaǵy, Tehas shtatyndaǵy úsh mektep habarlady.
Budan buryn Dúnıejúzilik densaýlyq saqtaý uıymynyń ókili Izabel Nýttall Ebola vırýsyn 427 medıtsınalyq qyzmetker juqtyryp, taǵy 236-sy qaıtys bolǵanyn málimdegen bolatyn.
