AQSh mektebindegi atys: oq jaýdyrmas buryn qylmysker-oqýshy óz qurbandaryn birge as ishýge shaqyrǵan
ASTANA. QazAqparat - Juma kúni Vashıngton shtatynda mektep ashanasynda oq atqan amerıkalyq jasóspirim Djeılen Fraıberg óziniń qurbandaryn lanchqa shaqyrǵanyn jergilikti polıtsııa anyqtady, dep jazady Bı-bı-sı.
Bul oqıǵa Sıettldan soltústikke qaraı Merısvıll qalasynyń mektebinde oryn aldy. 15 jastaǵy Djeılın bir stolda otyrǵan óziniń bes synyptasyn atyp tastady. Sodan keıin ózin-ózi atyp óltirdi.
17 jastaǵy qyz oqıǵa ornynda jan tapsyrdy. Taǵy bir oqýshy qyz senbi kúngi alǵan jaraqattarynan keıin qaza boldy. Taǵy úsh jasóspirim aýrýhanada jatyr, olardyń ekeýiniń jaǵdaıy aýyr.
