AQSh Meksıkamen shekarada jańa qosymsha qabyrǵa turǵyzyp jatyr
ASTANA. KAZINFORM — AQSh ońtústik-batys shekarasynda Meksıkamen eki eldi bólip turǵan qazirgi temir qorshaýdy kúsheıtý maqsatynda jańa «qosymsha» qabyrǵa salýǵa kiristi, dep habarlaıdy Kazinform tilshisi BBC-ge silteme jasap.
Uzyndyǵy shamamen 7 mıl (11 shaqyrym) bolatyn qabyrǵa Nıý-Meksıko shtatynda boı kóterip jatyr jáne bul — shekaradaǵy «mańyzdy» olqylyqtardy jabý men qaýipsizdikti qamtamasyz etý boıynsha operatsııalardy jaqsartý josparynyń bir bóligi ekeni AQSh Keden jáne shekara qyzmetiniń málimdemesinde aıtylǵan.
Maýsym aıynda AQSh-tyń ishki qaýipsizdik mınıstri Krıstı Noem Arızona men Nıý-Meksıko shtattarynda shamamen 36 mıl (58 shaqyrym) jańa shekaralyq qabyrǵa salýǵa jańa ruqsat bergen bolatyn.
Buǵan deıin AQSh-qa zańsyz barǵan mıgranttar kepildikpen bosatylý múmkindigin paıdalana almaıtyny habarlandy.