AQSh meksıkalyq Sinaloa karteliniń kóshbasshysy týraly aqparat úshin 5 mln dollar beredi

ASTANA. KAZINFORM –AQSh-tyń Memlekettik departamenti meksıkalyq Sinaloa esirtki karteliniń kóshbasshysy Hýan Hose Ponse Felıksti jáne Hesýs Alehandro Sanches Felıks pen El Rýsso esimimen belgili adamdardy ustaýǵa kómktesetin aqparat úshin 5 mıllıon dollar syıaqy bermek.

Armenpress – tiń habarlaýynsha, málimdemede Federaldy tergeý bıýrosy men Esirtkimen kúres basqarmasynyń málimetteri boıynsha izdeý salynǵan adam La Mayiza bandasyna kiretin Los Rusos qylmystyq tobynyń qarýly qanatynyń kóshbasshysy bolyp tabylady.

Málimdemege sáıkes, La Mayiza fentanıl, kokaın, marıhýana, geroın men metamfetamın óndirýmen jáne ony Meksıkanyń soltústik-shyǵys óńirlerinen AQSh-qa jetkizýmen aınalysady.

Hýan Hose Ponse Felıksti Kalıfornııa bıligi reket, esirtki saýdasy, qylmystyq jolmen alynǵan aqshany jylystatý, qarý saýdasy úshin on jyldan beri izdestirip jatyr.

Osyǵan deıin AQSh Kolýmbııany esirtkige qarsy kúreste yntymaqtaspaıtyn elder qataryna qosqany týraly habarladyq.