AQSh - Meksıka shekarasyna turǵyzylmaq qorǵannyń quny $70 mlrd quraıdy
ASTANA. QazAqparat - Amerıka men Meksıka shekarasyna turǵyzylmaq alyp qorǵannyń quny shamamen 70 mlrd dollardy quraıdy.
Bul týraly seısenbi kúni AQSh Kongresi demokrat-senatorlarynyń kómekshileri ázirlegen baıandamada aıtyldy.
"Bir mıl úshin $36,6 (1,6 km) mln jumsalsa, uzyndyǵy 1827 mıl (2940 km) qorǵannyń quny $66,9 mlrd.-tan asyp jyǵylýy múmkin. Osylaısha, AQSh-taǵy árbir er adam, áıel jáne bala qorǵan qurylysy úshin $200 astam aqsha tóleıdi», - delingen jarııalanǵan qujatta.
Sonymen birge, Demokratııalyq partııanyń esepteýinshe, «qorǵandy jóndeý jumystary men qyzmet kórsetýdiń jyl saıynǵy shyǵyny $150 mln.-ǵa aınalýy múmkin».
AQSh prezıdenti Donald Tramp eldiń Meksıkamen shekarasyna qorǵan turǵyzý jarlyǵyna 25 qańtar kúni qol qoıǵan bolatyn jáne ony júzege asyrýdy kóp kúttirmeı bastaıtynyn málim etti. Respýblıkalyqtyń aıtýynsha, qabyrǵa bıiktigi 15 metrdi quraýy tıis, al onyń qurylysyna $10-12 mlrd jumsalady.
