AQSh maımyl sheshegine qarsy vaktsınanyń taǵy 800 myń dozasyna tapsyrys berdi
VAShINGTON. QazAqparat – Densaýlyq saqtaý organdary jaqyn arada Amerıka Qurama Shtattarynda maımyl sheshegi vırýsyna qarsy vaktsınanyń 800 myńǵa jýyq dozasy taratylatynyn málimdedi, dep habarlaıdy QazAqparat ABC News-ke silteme jasap.
Bul habarlandyrý AQSh bıligine halyqty vaktsınatsııalaýdy tym baıaý júrgizip, juqpaly aýrýdyń taralýyn ustaı almaǵany úshin syn kúsheıgen kezde jasaldy.
Shamamen eki apta buryn azyq-túlik jáne dári-dármek basqarmasy Danııada vaktsına shyǵaratyn Bavarian Nordic kásipornynda qajetti tekserý jumystaryn aıaqtaǵanyn habarlaǵan.
Basqarma sertıfıkattaý sátti aıaqtalǵanyn málimdedi.
AQSh-tyń densaýlyq saqtaý departamentterine eki ret qoldanylatyn Jynneos vaktsınasynyń 310 myńnan astam dozasy jiberilgen.
Biraq eldiń San-Frantsısko, Nıý-Iork jáne basqa da iri qalalaryndaǵy klınıkalar ekpeniń suranysty qanaǵattandyrýǵa áli de jetkiliksiz ekenin atap ótti.
Aýrýlardy baqylaý jáne aldyn alý ortalyǵynyń málimetinshe, 27 shildege deıin AQSh-ta maımyl sheshegi vırýsyn juqtyrýdyń 4600-dan astam jaǵdaıy tirkeldi.
Bul – álemdegi eń joǵary kórsetkish.
El sheneýnikteri osy aıda vaktsınanyń taǵy 5 mln dozasyna tapsyrys bergenin jarııalady, biraq sonyń kóp bóligi elge kelesi jylǵa deıin jetkizilmeıtini kútilýde.
