AQSh Manas áýe bazasynyń jumysyn ýaqytsha toqtatty
ASTANA. Sáýirdiń 10-y. QazAqparat - AQSh-tyń áskerı qolbasshylyǵy Aýǵanstanǵa jáne keri baǵytta áskerı qyzmetkerlerdi tasymaldaý úshin paıdalanyp otyrǵan Manas áýebazasynyń jumysyn ýaqytsha toqtatý týraly sheshim qabyldady. Bul sheshim Qyrǵyzstandaǵy halyq tolqýyna baılanysty qabyldanyp otyr, dep habarlaıdy RBK agenttigi.
AQSh qarýly kúshteri ortalyq qolbasshylyǵynyń ókiliniń habarlaýynsha, bul maqsatta ázirge Kýáıttegi baza ýaqytsha paıdalanylmaq. Áskerı júkterdi tasymaldaý úshin Manas bazasy naqty jaǵdaıǵa baılanysty paıdalanylatyn bolady, dep habarlaıdy «Azattyq» radıostansasy.
Osynyń aldynda AQSh Memlekettik departamentiniń ókili Fılıpp Kroýlı, Bishkektiń Vashıngtonǵa bazany jabý týraly másele qoıyp otyrmaǵanyn málim etken edi. «Bizdiń qolymyzda Qyrǵyzstan úkimetimen jasalǵan qoldanystaǵy kelisim bar jáne ol óz kúshinde qalady», - dedi F.Kroýlı óz málimdemesinde.
Qyrǵyzstannyń ýaqytsha úkimetiniń basshysy Roza Otynbaeva hanym da, el aýmaǵyndaǵy AQSh áskerı bazasynyń jumysyna qatysty kelisimdi ózgertý jospary joq ekenin qýattady. «Ýaqytsha úkimet Manastaǵy bazanyń jabylýyn talap etýdi josparlap otyrǵan joq. Biz ózimiz qol qoıǵan kelisimder men mindettemelerdi oryndaıtyn bolamyz», dep atap kórsetti R.Otynbaeva.
