AQSh mamandary Qazaqstan Qarýly kúshteriniń nusqaýshy serjanttaryn oqytady

ASTANA. QazAqparat - Sh.Ýálıhanov atyndaǵy QR QM Kadet korpýsynyń bazasynda nusqaýshy serjanttardy oqytýdyń ozyq ádistemesin zerdeleý boıynsha bilim berý kýrsy bastaldy, dep habarlady QR Qorǵanys mınıstrliginiń baspasóz qyzmetinen.

Amerıka Qurama Shtattarynyń 6 joǵary bilikti mamany Qazaqstannyń áskerı joǵary oqý oryndarynyń oqytýshylarymen birlese QR Qarýly Kúshteriniń oqý-jattyǵý ortalyqtary jáne joǵary oqý oryndarynyń serjanttarymen 200-ge jýyq saǵat teorııalyq jáne praktıkalyq sabaqtar ótkizedi.

Praktıkalyq sabaqtar oqyp-úırenýshilerdiń dáristerde alǵan teorııalyq bilimderin tereńdetý, belgili bir laýazymdy tulǵa rólinde bólimshelerdi basqarý máseleleri boıynsha olardyń sheberlikterin, sondaı-aq, fýnktsıonaldyq mindetterdi oryndaýda serjanttardyń praktıkalyq mashyqtaryn jetildirý maqsatynda ótkiziledi.