AQSh Madýroǵa qarsy aqparat úshin eki ese syıaqy usynady

ASTANA. KAZINFORM — AQSh bıligi Venesýela prezıdenti Nıkolas Madýrony tutqynǵa alýǵa septigin tıgizetin aqparat úshin syıaqy kólemin eki ese arttyrdy, dep habarlaıdy BBC.

Vashıngton onyń saılaýdaǵy jeńisin moıyndamady, al AQSh bıligi buǵan deıin Madýrony esirtki saýdasy úshin aıyptaǵan bolatyn.

— Ádilet mınıstrligi men Memlekettik departament Nıkolas Madýrony qamaýǵa alýǵa septigin tıgizetin aqparat úshin 50 mıllıon dollar syıaqy jarııalaıdy, dep málimdedi AQSh bas prokýrory Pem Bondı. — Ol álemdegi eń iri esirtki saýdagerleriniń biri jáne ulttyq qaýipsizdigimizge qaýip tóndiredi.

Karakas AQSh bıliginiń sońǵy qadamyn «aıanyshty ári kúlkili» dep atady.

— Otanymyzdyń abyroıy satylmaıdy. Biz bul óreskel saıası úgit-nasıhat operatsııasyn qabyldamaımyz, — dep jazdy Venesýela Syrtqy ister mınıstri Ivan Hıl Pınto Telegram jelisinde.

Burynǵy 25 mıllıon dollar kólemindegi syıaqy qańtar aıynda belgilengen bolatyn, dep jazady AFP. ‎

Buǵan deıin Argentına soty Venesýela basshysy Madýrony qamaýǵa alýǵa order bergenin habarlaǵan edik.