AQSh Lıvııadaǵy tóńkerisshilerge 25 mıllıon dollardyń kómegin kórsetpek
ASTANA. 27 sáýir. QazAqparat - AQSh Prezıdenti Barak Obama memlekettik departament pen Pentagon basshylaryna lıvııalyq oppozıtsııaǵa 25 mıllıon dollar somanyń áskerı emes kómegin kórsetý týraly tapsyrma berdi,
dep habarlaıdy «RIA «Novostı» agenttigi.
«AQSh-tyń negizgi seriktesterine, Bengazıdegi kóterilisshiler uıymdastyrǵan jáne Lıvııadaǵy shabýyl qaýpi tónip turǵan beıbit halyqty qorǵaýǵa talpynys jasap otyrǵan aýyspaly Ulttyq keńeske qoldaý kórsetý úshin amerıkandyq úkimettiń kez kelgen vedomstvosynyń resýrstary men qorlarynan 25 mıllıon dollar somaǵa deıin áskerı emes kómek kórsetý týraly ókim etemin»,- delingen Aq úıdiń baspasóz qyzmeti 27 sáýir kúni taratqan arnaıy memorandým mátininde.
Ákimshilik ókilderi lıvııalyq tóńkerisshilerge kómek kórsetý jospary týraly buǵan deıin jýrnalısterge anonımdi túrde habarlaǵan edi. Derek kózderdiń aqparaty boıynsha, AQSh Lıvııa oppozıtsııasyna kólik quraldarymen, medıtsınalyq jabdyqtarmen jáne radıoqabyldaǵyshtarmen kómektespek.
