AQSh latynamerıkalyq esirtki kartelderine qarsy qosymsha sharalar qarastyryp jatyr

ASTANA. KAZINFORM — AQSh Latyn Amerıkasy elderindegi esirtki kartelderine qarsy kúres aıasynda qosymsha áreket nusqalaryn qarastyryp jatyr. Bul týraly Aq úıdiń baspasóz hatshysy Kerolaın Lıvıtt jýrnalısterge arnalǵan turaqty brıfıngte málimdedi, dep habarlaıdy TASS.

— AQSh prezıdenti Donald Tramp esirtki kartelderine qatysty qosymsha sharalar qabyldaýǵa barynsha múddeli jáne ol bul týraly ashyq aıtyp júr, — dedi Lıvıtt tıisti suraqqa jaýap bere otyryp.

Aq úıdiń baspasóz hatshysynyń aıtýynsha, «(Tramptyń) ulttyq qaýipsizdik jónindegi komandasy yqtımal áreket nusqalaryn únemi talqylap otyrady».

— Ol (Tramp) bul baǵytta buryn-sońdy bolmaǵan sharalar qabyldady, sondaı-aq oda qosymsha nusqalar da bar. Bul máselege qatysty sheshimdi tek prezıdent qana qabyldaı alady, — dep atap ótti Lıvıtt.

Buǵan deıin «USS Gerald R. Ford» bastaǵan ushaq tasyǵyshtar toby Tramp ákimshiliginiń esirtki saýdasyna qarsy sharalary aıasynda AQSh-tyń Ońtústik qolbasshylyǵynyń baqylaý aımaǵyna, ıaǵnı Karıb teńiziniń soltústigine kelgeni habarlanǵan.