AQSh Latyn Amerıkasynyń tórt elimen saýda kelisimderin jasasty
ASTANA. KAZINFORM – AQSh pen Latyn Amerıkasy elderi arasyndaǵy kelisimder saýda tarıfteri men tarıftik emes kedergilerdi azaıtýdy qosa alǵanda keń aýqymdy máselelerdi qamtyp otyr, dep habarlaıdy Aq úı.
Argentına, Salvador jáne Gvatemaladan ımporttalatyn taýarlarǵa endi 10% salyq salynady, al Ekvadorǵa 15% tarıf engiziledi.
Argentına AQSh-tan taýarlar, sonyń ishinde keıbir dárilik preparattar, hımıkattar, jabdyqtar, azyq-túlik, aqparattyq tehnologııa ónimderi, medıtsınalyq quraldar jáne kólik quraldaryn eksporttaý úshin óz naryǵyna jeńildikpen qol jetkizýdi qamtamasyz etedi.
Atalmysh el amerıkalyq aýylsharýashylyq ónimderi – mal, qus eti, kókónister, irimshik jáne et úshin óz naryǵyn ashty. Karakas amerıkalyq sıyr etine, odan jasalǵan ónimderge, sıyr etinen jasalǵan qosymsha ónimderge jáne shoshqa etinen jasalǵan ónimderge tirkeý protsesin jeńildetedi jáne amerıkalyq sút ónimderin ımporttaıtyn kásiporyndarǵa tirkeý talabynan bas tartady. Qurama Shtattar keıbir tabıǵı resýrstar men farmatsevtıkalyq preparattarǵa salynatyn tarıfterdi alyp tastaıdy.
Salvador men Gvatemala AQSh-qa farmatsevtıkalyq jáne medıtsınalyq jabdyqtardy eksporttaýǵa arnalǵan retteýshi talaptar men ruqsat berý rásimderin jeńildetedi. Elder AQSh-tyń avtomobıl jasaý salasyndaǵy standarttaryn qabyldaıdy jáne óz naryqtaryna AQSh aýylsharýashylyq ónimderine qol jetkizýdegi kedergilerdi joıady.
Ekvador AQSh-tyń negizgi salalaryna, sonyń ishinde mashına jasaý, densaýlyq saqtaý ónimderi, aqparattyq-kommýnıkatsııalyq tehnologııalar, hımııa ónerkásibi, avtomobıl jasaý jáne keıbir aýylsharýashylyq ónimderine tarıfterdi tómendetýge nemese alyp tastaýǵa mindetteldi. Ekvador sonymen qatar AQSh aýylsharýashylyq ónimderine tarıftik kvotalardy belgileýdi kózdep otyr. AQSh tarapy óz elinde jetkilikti mólsherde ósirýge, óndirýge nemese tabıǵı túrde óndirýge bolmaıtyn Ekvadordyń keıbir eksporttyq ónimderine tarıfterdi alyp tastaıtyn boldy.
Eske sala ketsek, Ońtústik Koreıa prezıdenti Lı Chje Men AQSh prezıdenti Donald Tramptan atomdyq sýasty qaıyqtaryna arnalǵan otyn alýǵa ruqsat berýdi surap, eldiń qorǵanys áleýetin arttyrý maqsatynda qorǵanys bıýdjetin ulǵaıtatynyn málimdedi.