AQSh Labýbý oıynshyqtarynyń qaýpi týraly eskertti
ASTANA.KAZINFORM - AQSh-tyń Tutyný ónimderiniń qaýipsizdigi jónindegi komıssııasy (CPSC) jas balalarǵa úlken qaýip tóndiretin Labýbý oıynshyqtary týraly eskertý jasady.

- Jumsaq fıgýralar men kiltke iletin salpynshaq túrinde jappaı satylyp jatqan oıynshyqtar, ásirese kishkentaı balalardyń aýzyna salýyna óte yńǵaıly. Ol balanyń tynys alý joldaryn jaýyp tastaýy múmkin. CPSC, sonymen qatar Labýbý ońaı bólshektelip, usaq bólikterge ydyraıtyny týraly málimet jınady, - delingen komıssııa málimdemesinde.
Komıssııa atalmysh oıynshyqtardy Qytaıdan AQSh-qa ákeler kezde osyndaı olqylyqtardy anyqtady.
Labýbý - 2015 jyly Gonkong sýretshisi Lýn Kasın jasaǵan elf tárizdi tirshilik ıesi. Ol úlken kózderi, úshkir qulaqtarymen jáne toǵyz tisimen erekshelenetin úlpildek qubyjyqtar. Ónimniń tanymaldyǵy ótken jyldyń sońynda kúrt ósti.
Buǵan deıin Berlınde qytaılyq Pop Mart kompanııasynyń Labýbý shyǵaratyn dúkeni ashylǵany habarlanǵan bolatyn. Júzdegen adam kezekke turyp, jumsaq oıynshyqty satyp alý múmkindigin kútti.