AQSh qyrkúıektiń 11-indegi oqıǵanyń toǵyz jyldyǵyn atap ótýde
ASTANA. Qyrkúıektiń 11-i. QazAqparat - Búgin AQSh-ta 2001 jyly qyrkúıektiń 11-inde bolǵan lańkestik áreketterdiń toǵyz jyldyǵyn atap ótýde. Qalyptasqan qaıǵyly dástúr boıynsha, oqıǵa qurbandaryn eske alý rásimi AQSh-tyń Shyǵys jaǵalaýynyń ýaqyty boıynsha saǵat 08.46-da (máskeý ýaqyty boıynsha 16.46-da) bir mınýttyq únsizdikten bastalady.
Lańkester aıdap áketken ushaqtardyń alǵashqysy osydan 9 jyl buryn dál osy ýaqytta Manhettendegi Dúnıejúzilik saýda ortalyǵynyń soltústik munarasyn soqqan bolatyn. Egiz munaranyń ornynda Nıý-Iorkte jáne Vashıngton men Shenksvıll qalalarynda bolǵan lańkestik áreketterdiń qurbandarynyń aty-jónderi oqylady.
2001 jyly bolǵan lańkestik árekettiń saldarynan, sońǵy derekter boıynsha, 2 myń 977 adam qaza boldy (19 lańkesti qospaǵanda) jáne 6 myńnan astam adam zardap shekti. Qaza bolǵandardyń arasynda álemniń 90-nan astam eliniń azamattary bolǵan.
